IIMA DOORIN!       31/1/2016

Duunyo ma li'i

Duur  ma li'i

Daaq  ma li'i

Dugsi ma li'i

Dad ma li'i

Dibno ma li'i

Dareen ma li'i

Daw ma li'i

Dabiib ma li'i

Dawo ma li'i

Daryeel ma li'i.

ee     ee    ee

Waxa idooriyay

Iga diray aduunka

Iga duugay koonka

Iga dhigay dugaaga

Iga deyray qalbiga

Iga dooxay laabta

Iga jecel dibnaha

Iga diiday maanka

Iga daahay araga

Iga duubay gacnmaha

Iga dabray lugaha

Iga diiray muuqa

Iga doonay xoolo.

ee    ee      ee

Igu diray walaalkey

Igu diray adeerkey

Igu diray abtigeey

Igu diray atoorkey

Igu diray wadaadka

Igu daray bahaahinka

Igu daadshay xeebta

Igu daabacay xumaha

Igu roon duleenta

Igu daara shumaca

Igu duul duulee

Igu duubay beenta.

ee      ee      ee

I dugaaliyay buhda

Ii dhiga dabinka

Ii diida maalka

Ii soo dira lacagta

Ii daarray kaamka

Ii duxeeyay tuugsiga

Ii daara leerka

Ii diida iftiinka

Ii diiday tacabka

Ii diiday garaadka

Ii diidan garashada

Ii dana iina darane.

ee       ee     ee

Ardaaliyo maaha gaal

Aduuniyo maaha maal

Awoodiyo maaha maan

Ayaan iyo maaha nasiib  

Amariyo maaha fulin

Ahaaniyo maaha muuq

Abaariyo maaha oon

Adeeciyo maaha maqlid

Ab-iyo maaha isir

Adeeriyo maaha tol

Ahaanshiyo maaha yeel

Ahawiyo maaha haye.